Það var dimmt yfir fundinum sem sagt er fá á ruv.is, þar sem frá því er sagt að Sjálfstæðisflokkurinn hafi gert það sama og íþróttafélöginn gera í mótbyr. Ólíkt léttara er að sjá yfir unga fólkinu sem stendur undir merkjum Samfylkingarinnar.
Rautt til vinstri og dimmblátt til hægri er það sem við sjáum og það er von að þungt sé yfir þeim sem í blámanum eru.
Þar á bæ hefur allt farið niður á við, meðan allt gengur mun betur hjá hinum.
Landsmenn eru búnir að fá nóg af ríkisstjórninni, sem veit ekki hvort hún er að koma eða fara, hvort hún á að standa fyrir framförum eða bara halda áfram að leika sér.
Það er nær sama hvar drepið er niður, allt frá því að þjóðin er látin vera í stríði við gamla vinaþjóð í þeim tilgangi að bjarga heiminum og niður í að að þykjast vera einhverskonar viðhengi Netayahu.
Forsætisráðherrann, sem við höldum að sé, þvælist heimshorna milli en kíkir við af og til, til að stjórna landinu sínu, þegar hann má vera að því og heimsbyggðin þarfnast hans ekki..
Fjármálaráðherrann telur aurana og finnur, því alltaf má fá eitthvað hér og annað þar og brúin hans verður tilbúin fyrir árslok 2024, eins og um var talað og þó gleymst hafi að hanna hana, þá verður bara að hafa það!
Auk þess ætla þau að byggja 30 hektara framhaldsskóla í Hafnarfirði til að hægt sé að losna við kennslu sjómanastéttarinnar úr Reykjavík og að hægt sé þess í stað, að dæma brotamenn í sjómannaskólahúsnæðinu sem þar er.
Það er sem sagt margt sem horfir til framfara og nú er svo komið að pósturinn kemur með brennivínið heim til þeirra sem það kjósa og því er engin þörf á að láta renna af sér til að sækja sér meira.
Svona horfir flest til betri vegar hjá ríkisstjórn allra landsmanna(?) og senn kemur eflaust að því, að meðlætinu með brennivíninu verði líka ekið til neytenda og gerist þá kátt í bæjum öllum.
Engin ummæli:
Skrifa ummæli